بسم الله الرحمن الرحيم

منذ ايام قلائل قادتنى أبنتى لقضاء سهره موسيقيه لفرقة ( أنغام مصريه ) بساقية الصاوى . أعجبنى جدا ماقدمته الفرقه من أغانى وأعجبنى أكثر أن الفرقه على سجيتها . ملابسها عاديه بسيطه وكل فرد يلبس ما يريد ( كاجوال ) وبشكل غير روتينى . كما راقنى ما قدمته الفرقه من أغنيه على قرع الدف و بدون مسانده موسيقيه . وكان من ذكاء القائمين عليها أن الحفله لم تمتد أكثر من ساعتين على فترتين مما أبعد شبح الملل عن الموجودين الواضح أنهم يحفظون أعمال الفرقه عن ظهر قلب . وكان من روائع الاعمال أن قدمت الفرقه أعمال الفنان أحمد فؤاد نجم
و الفنان أمل دنقل – ووجدتنى ليلا أدندن ببعض الكلمات من تاثير سماع أشعار الفنانين السابقين وكانت كاتى :-
(1) (عمنا )
عمنا .. أحمد فؤاد ... هو أيه ؟
عود الكبريت اللى بيولع
جنب البرميل اللى مشمع
وف قلبه برود
وكلامه فتيل
لا ..... د كلامه بارود
لا ..... د كلامه رصاص
وبعين قناص
يطلق كلمات
وأنين واهات
----------------------------------------------- الخ
(2) ( سنابل القمح )

سنابل القمح المحنى بنور الشمس فى عز النهار
مالت توشوش عيدان القصب القايمه زنهار
وتقولها
اليوم جديد
والشمس حاميه
والفرحه عيد
والصبيه
نزله ترعه
شايله زلعه
نارها والعه على الخدود
والقوام فارع ودود
و الخجل ممــــــــــــــدود
--------------------------------------------------------- اخ
(3) ( المصريين )
يا زناتى .. يا بكر ..... ياحسين
ياولاد المصريه الزين
أسمعوووووا
أجمعوووووا
العيشه عرق
ل... دى دم
والغم بيبقى الدم
والدم بيروى الارض
والارض حدانا عرض
و العرض بنات وبنين
والعرض شقا وأنين
وأسمعوووووا
وأجمعووووووا
يا حبيبى يا مصريين
------------------------------------------------ الخ
(4) ( حدوته )
الدنيا من غير الم حدوته ملتوته
والغنوه من غير نغم طفله زغنطوطه
ولو تفك الضفاير حنغنى غنوتنا
ونعلى صوت الغنا ونعلى فى صوتنا
ونقول با دنيا الالم حياتنا حدوته
والتجربه متقربه
وشايفه كل الناس
موجوده متغربه
التجربه أننا
شباب فى سن الغنا
ورغم طول عمرنا
الغنوه حدوته
--------------------------------------------------- الخ

فى أنتظار رايكم
خالد الخضرى
21/2/2008