وحشتينى
الشهر عدى ... والسنه ...وبعض السنه
والحنين .. زى الجنين جوه العقول
خايف عليه يكبر يقول
وحشتينى
توحشنى ليه ؟
ماانا كل يوم .. فى صباح ونوم لينا لقاء
لينا كلام
لينا أبتسام
أحلام بتاكل بعضها
أحلام على اللى فى سنها
تعشق سعادة أهلها ... أكمنها
الضحكه لزقة ف بقها
واقولها ....... وحشتينى
أيام ثقيله
أيام رزيله .. حرمتنى منك
والله أعلم
مين كان يقدر
أستغنى عنك
العمر فات .. ولقانا جى
الموت قرب .. ولقاناحى
يارب اغفر ليها ولينا
أغفر بكانا .. ودموع عنينا
صبر قلوبنا
أعفر يارب
أغفر يارب
أغفر يارب